ЕХОТО НА “ЕСЕНСКАТА РОК – ПРИКАЗНА“
На 23 ноември 2025 година, во рамките на прославата на Ноемвриските празници, во Центар за култура Тетово се одржа концертот „РОК – Приказна во есен“, музичка вечер која донесе посебно уметничко доживување за присутната публика.
Концертот се одликуваше со динамична и енергична атмосфера, каде рок музиката се испреплети со класични елементи и современа интерпретација, создавајќи уникатен сценски настап. Публиката имаше можност да ужива во изведбите на гостинските уметници кои донесоа разновидна и богата музичка програма.
На сцената настапија:
- Дајана Малолари Пајазити – солист
- Шкелзен Пајазити – виолина
- Шкелзен Бафтијари – пијано
- Јетмир Мехмеди – гитара
- Арсим Илјази – бас-гитара
- Егзон Лека – перкусии
Настанот беше топло прифатен од публиката, потврдувајќи уште една успешна културна вечер во рамките на ноемвриските празнувања.
