СЕГА МУ Е МАЈКАТА
На 24 ноември, во Центарот за култура – Тетово, беше изведена оригиналната режисерска постановка на театарската претстава „Сега му е мајката“ од Горан Стефановски, во режија на Ѓорѓески – Серафимовски.
Претставата, преку остар хумор и силна сатира, ги прикажува современите општествени аномалии, искривените вредности и моралните дилеми на денешницата. Во неа се отвораат прашања за криминалот, материјализмот и изгубените етички принципи, каде што единствена „вредност“ стануваат парите и личниот интерес.
Публиката имаше можност да проследи една динамична, провокативна и емотивно силна театарска вечер, која не само што забавуваше, туку и поттикна сериозно размислување: зошто често остануваме во сопствената комфорна зона и не реагираме на општествените неправди?
